«Педагог және заң»

«Заң және тәртіп» идеологемасын ілгерілету жоспарын іске асыру аясында балабақша педагогтерімен «Педагог және заң» тақырыбында ақпараттық сағат өткізілді. Кездесу барысында педагогтің кәсіби қызметін реттейтін негізгі нормативтік-құқықтық құжаттар, заңнаманы сақтау, кәсіби әдеп, педагогтердің құқықтары мен міндеттері қарастырылды. Сондай-ақ педагогтердің құқықтық сауаттылығын арттыруға, түрлі кәсіби жағдайларда шешім қабылдау дағдыларын дамытуға және заң талаптарын сақтаудағы жауапкершілігін нығайтуға бағытталған тренингтер өткізілді. Ерекше назар тәрбиеленушілердің құқықтары мен заңды мүдделерін қорғау мәселесіне аударылды.