Отзыв

  Отзыв Ботаевой М.А., учителя казахского языка ДО

2018 жылғы жолдау туралы пікірлер:

   -  Биылғы Жолдауда айтылған 10 негізгі тапсырма Қазақстанның қысқа мерзімде дамуын анықтап береді.. Мемлекет басшысы қазақстандықтардың әл-ауқатының маңызды негізі ретінде әлеуметтік салаға, зейнетақымен қамсыздандыруға және адами капиталды дамытуға ерекше назар аударды.  

 - Жолдауда Мемлекет басшысы ең дамыған 30 елдің қатарына кіру жолындағы еліміздің 10 негізгі міндетін белгіледі. Өнеркәсіп немесе мемлекеттік басқару болсын, осы 10 міндеттің барлығында цифрландыру бағыты анық көрсетілгенін баса айтқым келеді. Цифрлық теxнологиялар барлық салаларда болатыны туралы айтты. Қазіргі таңда

 анықтаманың бәрін электронды жүйе арқылы аламыз. Цифрлық теxнологияларды енгізу саласындағы шаралар әрі қарай жалғасады. Сондықтан жұмыстың сапасы артады.  

– Мұғалімнің мәртебесін арттыру туралы Президенттің айтқан сөзі бәріміздің көңілімізден шықты және де үлкен қуанышқа бөледі. Өйткені мұғалімдердің мәртебесін көтеру – елдің мәртебесін көтеру. Барлық маман иелері, еліміздің болашағын жасайтын кадрлардың бәрі  ұстаздың қолынан шығады. Ұстаздарымыз білім берудің жаңа сапасына көшетінін, кәсіби даму тұрғысынан жаңа белеске көтерілетінін байқап отыр.Педагогтарды оқыту және олардың біліктілігін арттыру жөнінде де ерекше назар аударылды. Біздің алдымызда тұрған жаңа міндеттер жақсы

нәтижелерін көрсетеді деп сенеміз.

-Мемлекет басшысы халыққа қаржылық қызмет қалай көрсетіліп жатқанына бүгінгі таңда маңыз беру керек екендігін аңғартты. Сонымен қатар қарапайым азаматтардың қажеттілігі үшін несие бағдарламаларды кеңейтуді тапсырды. Бұған қоса әлеуметтік саясат пен адами капиталға да ерекше ден қойып отыр. Биыл әлеуметтік көмек 12 пайызға ұлғайды, енді қызметкерлердің жұмыс тәжірибесі мен біліктіліге қарай мұғалімдердің айлығын 30 пайыздан 50 пайызға ұлғайту көзделіп отыр.